حیدرآباد: [en]Kaleshwaram Commission[/en] کے سامنے بی آر ایس کے رکن اسمبلی اور سابق وزیر ٹی ہریش راؤ نے جمعہ کے روز پیش ہوکر کالیشورم آبپاشی پراجیکٹ سے متعلق دستاویزات جمع کرائیں اور زور دے کر کہا کہ یہ عظیم منصوبہ چھ مرتبہ ریاستی کابینہ اور تین بار اسمبلی سے منظوری حاصل کر چکا ہے۔
انہوں نے کمیشن کو میڈی گڈہ، انارم اور سندیلا بیراجس سے متعلق مزید تفصیلات فراہم کیں اور الزام لگایا کہ کانگریس حکومت کے پاس اہم دستاویزات موجود ہیں، لیکن وہ کمیشن سے مکمل معلومات چھپا رہی ہے۔
ہریش راؤ نے وزیر اعلیٰ ریونت ریڈی کے پراجیکٹ پر دیے گئے بیانات کو “جھوٹ کا پلندہ” قرار دیا اور کہا کہ کانگریس اپنی پانچ دہائیوں کی ناکامیوں پر پردہ ڈالنے کی کوشش کر رہی ہے۔ ریونت کی حالیہ پریزنٹیشن پر طنز کرتے ہوئے کہا، “وہ پاور پوائنٹ نہیں بلکہ کور پوائنٹ پریزنٹیشن تھا۔”
انہوں نے کہا کہ کانگریس جس 299 ٹی ایم سی کرشنا آبی معاہدے کو مستقل کہہ رہی ہے، وہ درحقیقت آندھرا پردیش کے سابق وزیر اعلیٰ کرن کمار ریڈی کے دور کا ہے۔ “اگر کے سی آر کے دور میں یہ معاہدہ مستقل ہوتا تو پھر ہم دفعہ 3 کے لیے مرکز سے رجوع کیوں کرتے؟” ہریش راؤ نے سوال کیا۔
انہوں نے کہا کہ بی آر ایس نے ہی مرکز سے رجوع کرکے تلنگانہ کے حقوق حاصل کیے، اور اس ضمن میں انہوں نے خود مرکزی وزراء اوما بھارتی اور نتن گڈکری سے ملاقاتیں کیں۔ انہوں نے پوچھا کہ اگر 299 ٹی ایم سی والا معاہدہ غلط تھا تو ریونت اور وزیر آبی وسائل اتم کمار ریڈی نے اس پر دستخط کیوں کیے؟
ہریش راؤ نے ریونت ریڈی کو آبپاشی پالیسی کے بارے میں “غیر باشعور” قرار دیا اور کہا کہ وزیر اعلیٰ اور ان کے وزیر آبی وسائل دونوں دریائی پانی کی تقسیم سے ناواقف ہیں۔ انہوں نے ریونت پر الزام عائد کیا کہ وہ آندھرا پردیش کو کرشنا پانی کے معاملے میں “گرین سگنل” دے رہے ہیں، اور یہ سب تڈی پی سربراہ چندرابابو نائیڈو کی ایما پر ہو رہا ہے۔
انہوں نے کانگریس پر بھی تنقید کی کہ وہ قبل از آزادی دور کے کاکتیہ اور نظام دور کے پراجیکٹس کو اپنی کامیابیوں میں شامل کر رہی ہے۔ “کانگریس نے صرف 6 لاکھ ایکڑ زمین کو سیراب کیا، جب کہ بی آر ایس نے یہ دائرہ 48 لاکھ ایکڑ تک بڑھا دیا۔”
تھومّاڈی ہٹی سے بیراج کی از سر نو تعیناتی کے معاملے پر انہوں نے کہا کہ ریونت کو مرکز سے پوچھنا چاہیے کہ اس کی منظوری کیوں دی گئی، بی آر ایس پر الزام نہ لگائیں۔
انہوں نے الزام لگایا کہ کانگریس نے اپنے دور میں دستیاب پانی کا 6 فیصد کم استعمال کیا اور جو پراجیکٹس مکمل تھے ان سے بھی فائدہ نہیں اٹھایا۔ انہوں نے حکومت کو اسمبلی میں مکمل مباحثے کا چیلنج دیتے ہوئے کہا، “ہمارا مائک بند مت کیجیے، ایوان سے بھاگ مت جایئے۔”
రేవంత్ రెడ్డి ఇచ్చింది పవర్ పాయింట్ ప్రెజెంటేషన్ కాదు.
కాంగ్రెస్ పార్టీ తెలంగాణకు 50 ఏళ్లుగా చేసిన మోసాలకు కవర్ పాయింట్ ప్రెజెంటేషన్.– మాజీ మంత్రి, ఎమ్మెల్యే @BRSHarish గారు 🔥 pic.twitter.com/MkD8hmdvoF
— Office of Harish Rao (@HarishRaoOffice) July 11, 2025
