حیدرآباد: تلنگانہ اسٹیٹ الیکشن کمشنر رانی کُمودنی نے تلنگانہ پنچایت انتخابات Panchayat Polls کا شیڈول جاری کرتے ہوئے اعلان کیا کہ ریاست میں 11، 14 اور 17 دسمبر کو تین مرحلوں میں پولنگ ہوگی۔ ان کے مطابق الیکشن کوڈ آج منگل سے مؤثر ہو گیا ہے۔
انہوں نے کہا کہ ہر مرحلے کے درمیان دو سے تین دن کا وقفہ رکھا گیا ہے۔ ریاست بھر میں 12,728 سرپنچ اور 1,12,242 وارڈ نشستوں کیلئے انتخابات ہوں گے۔ پہلے مرحلے میں 4,200 سرپنچ اور 37,440 وارڈ سیٹوں پر ووٹنگ ہوگی۔
کُمودنی نے بتایا کہ پہلے مرحلے کیلئے نامزدگیاں پسِ فردا (27 تاریخ) سے شروع ہوں گی۔ پولنگ 7 بجے صبح سے 1 بجے دوپہر تک ہوگی، جبکہ گنتی دوپہر 2 بجے شروع کی جائے گی۔ ریاست میں 1.66 کروڑ دیہی ووٹرز رجسٹرڈ ہیں۔
انہوں نے یاد دلایا کہ کمیشن نے اصل شیڈول 29 ستمبر کو جاری کیا تھا، لیکن 9 اکتوبر کو عدالتی وجوہات کے باعث اس پر روک لگ گئی تھی۔
نامزدگی شیڈول | Panchayat Polls
- پہلا مرحلہ: نامزدگیاں 27 نومبر سے
- دوسرا مرحلہ: نامزدگیاں 30 نومبر سے
- تیسرا مرحلہ: نامزدگیاں 3 دسمبر سے
