حیدرآباد: نظامس انسٹی ٹیوٹ آف میڈیکل سائنسز (این آئی ایم ایس، نمس) حیدرآباد نے مختلف شعبہ جات میں کنٹریکٹ کی بنیاد پر 41 ٹیکنیشن اسامیوں NIMS technician recruitmentکے لیے آف لائن درخواستیں طلب کی ہیں۔
درخواست دینے کے اہل امیدواروں کو 9 اگست تک اپنی درخواستیں جمع کرانی ہوں گی۔ یہ اسامیاں درج ذیل محکموں میں ہیں: میڈیکل جینیٹکس (1)، نیورو سرجری – آئی او این ایم (1)، نیوکلیئر میڈیسن (3)، بی ایم ای (1)، ویسکیولر سرجری (1)، ای ایم ڈی (1)، پیتھالوجی (2)، پلمونولوجی (5)، نیفرولوجی (4)، کارڈیولوجی (6)، مائیکرو بایولوجی (4)، بایو کیمسٹری (5)، اور اینستھیزیالوجی (7)۔
ہر شعبہ کے مطابق متعلقہ ٹیکنالوجی میں ڈگری یا پوسٹ گریجویٹ کوالیفکیشن کے ساتھ عملی تجربہ ضروری ہے۔ عمر کی بالائی حد 35 سال ہے، تاہم حکومت کے قواعد کے مطابق مخصوص زمروں کو رعایت حاصل ہوگی۔
درخواست دہندگان کو اپنی درخواستیں مندرجہ ذیل پتے پر آف لائن بھیجنی ہوں گی:
ایگزیکٹو رجسٹرار، نظامس انسٹی ٹیوٹ آف میڈیکل سائنسز، پنجہ گٹہ، حیدرآباد۔
درخواست فیس 1000 روپئے (ناقابل واپسی) مقرر کی گئی ہے۔ تقرری کا عمل تحریری امتحان اور انٹرویو پر مشتمل ہوگا۔ مکمل معلومات اور اہلیت کی تفصیلات کے لیے امیدوار ادارے کی ویب سائٹ [nims.edu.in](http://nims.edu.in) ملاحظہ کریں۔
