حیدرآباد: تلنگانہ ہائی کورٹ میں آج چار نئے ججوں نے حلف لیا، جس کے بعد عدالت عظمیٰ کے بنچ کی مجموعی تعداد بڑھ کر 30 ہو گئی ہے۔
چیف جسٹس اپریش کمار سنگھ نے جسٹس گاڈی پروین کمار، جسٹس رام کرشنا ریڈی، جسٹس ایس چلاپتی راؤ، اور جسٹس غوث میرا محی الدین سے حلف لیا۔ یہ تقریب Telangana High Courtکے احاطے میں منعقد ہوئی۔
یہ تقرریاں صدر جمہوریہ دروپدی مرمو کی منظوری کے بعد عمل میں آئیں، جو کہ سپریم کورٹ کولیجیئم کی سفارشات کے تحت ملک بھر میں عدالتی نظام کو مضبوط کرنے کی مہم کا حصہ ہیں۔
تلنگانہ ہائی کورٹ کو چار نئے ایڈیشنل جج حاصل ہوئے ہیں، جو کہ ملک کی مختلف ہائی کورٹس میں کی جانے والی مجموعی 19 تقرریوں کا ایک حصہ ہیں۔
مدھیہ پردیش ہائی کورٹ کو سات مستقل اور چار اضافی جج ملے ہیں، جب کہ گوہاٹی ہائی کورٹ میں چار ایڈیشنل ججوں کا تقرر عمل میں آیا ہے۔
ان تقرریوں سے تلنگانہ ہائی کورٹ میں زیر التوا مقدمات کی یکسوئی میں تیزی آنے اور عدالتی نظام کو مزید تقویت ملنے کی امید ہے۔
