حیدرآباد: تلنگانہ پی سی سی صدر اور ایم ایل سی مہیش کمار گوڑ نے جمعرات کو بہار ووٹر لسٹ تنازع پر SC Orderکا خیرمقدم کرتے ہوئے اسے جمہوریت کے لیے سنگ میل قرار دیا۔
سپریم کورٹ نے الیکشن کمیشن کو ہدایت دی ہے کہ بہار میں اسپیشل سمری ریویژن (SIR) کے دوران فہرست سے حذف کیے گئے 65 لاکھ ووٹروں کے نام 48 گھنٹوں کے اندر شائع کیے جائیں۔ گوڑ نے کہا کہ یہ فیصلہ کانگریس رہنما راہل گاندھی کے بڑے پیمانے پر ووٹ چوری کے الزامات کو درست ثابت کرتا ہے۔
انہوں نے مرکز پر تنقید کرتے ہوئے کہا کہ حکومت نے راہل گاندھی کے اس مطالبے کو نظرانداز کیا کہ اس معاملے پر پارلیمنٹ میں بحث کرائی جائے۔ گوڑ نے الیکشن کمیشن پر زور دیا کہ وہ راہل گاندھی کی تجویز کے مطابق آدھار سے منسلک “ایک شخص – ایک ووٹ” نظام نافذ کرے تاکہ ووٹ فراڈ کو روکا جا سکے۔
