حیدرآباد: ایمپلائز پروویڈنٹ فنڈ آرگنائزیشن EPFO DigiLocker ایپ پر اہم خدمات کا آغاز کر دیا ہے، جس کے ذریعے اینڈرائیڈ صارفین اب اپنا پی ایف بیلنس، پاس بک، اور یو اے این کارڈ براہ راست حاصل کر سکتے ہیں۔
ای پی ایف او نے سوشل میڈیا پر اس سہولت کا اعلان کرتے ہوئے کہا کہ اب سبسکرائبرز کسی بھی مقام سے ڈیجی لاکر کے ذریعے پی ایف پاس بک، بیلنس تفصیلات، یو اے این کارڈ، پنشن پیمنٹ آرڈر اور اسکیم سرٹیفکیٹ حاصل کر سکتے ہیں۔
یہ نئی سہولت پہلے سے دستیاب خدمات جیسے یو ایم اے این جی ایپ اور ای پی ایف او ویب سائٹ کی طرز پر ہی ہے۔ اب اینڈرائیڈ اسمارٹ فون استعمال کرنے والے صارفین ڈیجی لاکر کے ذریعے بھی ان سہولیات سے استفادہ کر سکتے ہیں۔
ای پی ایف او کے مطابق یہ سہولت فی الحال صرف اینڈرائیڈ صارفین کے لیے دستیاب ہے، جبکہ آئی او ایس (iOS) صارفین کے لیے بھی جلد ہی اس کا آغاز کیا جائے گا۔
ای پی ایف اکاؤنٹ ہولڈرز یو ایم اے این جی ایپ اور ای پی ایف او کی ویب سائٹ کے ذریعے بھی خدمات حاصل کر سکتے ہیں۔ اس کے علاوہ، رجسٹرڈ موبائل نمبر سے 99660 44425 پر مسڈ کال دے کر بھی پی ایف بیلنس معلوم کیا جا سکتا ہے۔
About the Author
