حیدرآباد: خواتین و اطفال بہبود کی وزیر ڈی انسویا سیتکا نے آنگن واڑی مراکز کے کام کاج کا جائزہ لیتے ہوئے بچوں میں غذائی قلت کے خاتمے کے لیے 100 روزہ خصوصی عملی منصوبہ تیار کرنے کی ہدایت دی ہے۔
محکمے کے اعلیٰ عہدیداروں سے اجلاس کے دوران سیتکا نے کہا کہ آنگن واڑی خدمات میں واضح بہتری لانے کی ضرورت ہے، اور اس کے لیے زمینی سطح پر عمل آوری کو یقینی بنایا جانا نہایت ضروری ہے۔ انہوں نے کہا کہ کوئی بھی اسکیم صرف کاغذی حد تک مؤثر نہیں ہو سکتی، جب تک اس پر عملی طور پر مکمل عمل نہ ہو۔
وزیر موصوفہ نے عہدیداروں کو ہدایت دی کہ بچوں کو صرف وزن بڑھانے یا گھٹانے پر مبنی غذا نہیں بلکہ متوازن اور Anganwadi Nutritionفراہم کی جائے، تاکہ ان کی مجموعی صحت میں بہتری آئے۔ انہوں نے کہا کہ غذائی خدمات کا مقصد بچوں کی ظاہری جسمانی صحت میں بہتری کی شکل میں نظر آنا چاہیے۔
اجلاس میں محکمہ کی سکریٹری انیتا رام چندرن، ڈائریکٹر سروجنا، علاقائی اور جوائنٹ ڈائریکٹرس نے بھی شرکت کی۔
