حیدرآباد: نظام آباد قومی شاہراہ پر جمعہ کی علی الصبح ایک ٹرک سے موبائل فونز کی کھیپ [en]Cellphone Consignment[/en]چوری ہو گئی، جس کی مجموعی مالیت 10 لاکھ روپئے سے زائد بتائی جا رہی ہے۔
پولیس کے مطابق حیدرآباد جانے والا ایک ٹرک موبائل فونز کے ڈبوں سے لدا ہوا تھا۔ ڈرائیور نے راستے میں آرام کرنے کے لیے گاڑی کو سڑک کے کنارے کھڑا کیا۔ کچھ دیر آرام کے بعد جب اس نے سفر دوبارہ شروع کرنے سے پہلے سامان کی جانچ کی، تو معلوم ہوا کہ موبائل فون کے کئی ڈبے غائب ہیں۔
متاثرہ ڈرائیور نے فوراً نظام آباد رورل پولیس کو اطلاع دی، جس کے بعد ایک مقدمہ درج کر کے تحقیقات شروع کر دی گئی ہیں۔
ڈرائیور نے پولیس کو بتایا کہ چوری شدہ فونز کی مارکیٹ میں قیمت 10 لاکھ روپئے سے زیادہ ہے۔ پولیس نے شبہ ظاہر کیا ہے کہ واردات کے دوران ملزموں نے پیشہ ورانہ انداز میں ٹرک کو نشانہ بنایا۔
حکام نے جائے وقوعہ کا معائنہ کیا ہے اور قریبی سی سی ٹی وی فوٹیج حاصل کی جا رہی ہے تاکہ چوروں کا سراغ لگایا جا سکے۔
