حیدرآباد: تلنگانہ اسٹیٹ ہیومن رائٹس کمیشن TGSHRCنے چیف سکریٹری کو ہدایت دی ہے کہ مہیلا شکتی کیندروں میں کام کرنے والے ملازمین کی بقایا تنخواہیں فوری جاری کی جائیں۔ یہ حکم کمیشن کے چیئرمین جسٹس شمیم اختر نے جاری کیا۔
کمیشن نے مشاہدہ کیا کہ ان مراکز میں خدمات انجام دینے والے سوشیل کاؤنسلرز، لیگل کاؤنسلرز، پولیس کانسٹیبلز اور ڈیٹا انٹری آپریٹرز کی تنخواہیں روکنا، آئین کے آرٹیکل 21 کے تحت حقِ روزگار کی خلاف ورزی ہے۔ حکومت کو ہدایت دی گئی کہ تمام بقایا جات فوراً ادا کیے جائیں اور دو ماہ کے اندر تعمیل رپورٹ پیش کی جائے۔
ٹی جی ایس ایچ آر سی نے ایک بار پھر واضح کیا کہ اجرت نہ دینا بنیادی حقوق کی خلاف ورزی ہے اور اس بات پر زور دیا کہ ریاست کو خواتین کی فلاحی خدمات میں مصروف تمام زمروں کے عملے کو بروقت ادائیگی یقینی بنانی چاہیے۔
