حیدرآباد: عادل آباد کے رام نگر کالونی میں ہفتہ کی علی الصبح نامعلوم افراد نے ایک SBI ATMکو لوٹ لیا۔ واردات سے قبل چوروں نے سی سی ٹی وی کیمروں پر کالا اسپرے کیا اور گیس کٹر کی مدد سے مشین کو کاٹ کر نقد رقم لے اُڑے۔
پولیس کے مطابق ملزمین اے ٹی ایم کِیوسک میں داخل ہوئے، نگرانی کیمروں کو ناکارہ بنانے کے لیے ان پر سیاہ رنگ کا اسپرے کیا اور پھر گیس ٹارچ سے نقدی کے خانے کو کاٹ کر رقم نکالی۔ چوری گئی رقم کی درست مقدار تاحال معلوم نہیں ہو سکی ہے۔
اس موقع پر ڈی ایس پی جیون ریڈی، سرکل انسپکٹرز سوامی اور سنیل کمار نے جائے واردات کا معائنہ کیا۔ فارنسک شواہد اکٹھا کرنے کے لیے کلوز ٹیم بھی طلب کی گئی۔ پولیس نے مقدمہ درج کر لیا ہے اور تحقیقات جاری ہیں۔
About the Author
