حیدرآباد: یادگیری گٹہ منڈل کے پیڈا کنڈکور کے قریب واقع پریمیئر ایکسپلوسِوز کمپنی میں منگل کی صبح ایک Explosives Blastمیں ایک کارکن ہلاک ہوگیا۔ یہ دھماکہ اُس وقت ہوا جب پلانٹ کے باہر بوائلر کی اسٹیِم پائپ کھولی جا رہی تھی۔
حکام کے مطابق، یہ واقعہ صبح تقریباً 7:30 بجے پیش آیا، جب بھاپ کو ایک دوسرے یونٹ کی طرف منتقل کیا جا رہا تھا۔ والو کھولتے ہی دھماکہ ہوا جس میں 50 سالہ کارکن سدانندم شدید زخمی ہوا اور سر پر سنگین چوٹ لگنے کے باعث موقع پر ہی دم توڑ گیا۔
متوفی، جو گوداوری کھنی کے رہائشی تھے، گزشتہ 25 برس سے پریمیئر ایکسپلوسِوز میں ملازمت کر رہے تھے اور آلیر ٹاؤن میں مقیم تھے۔ نعش کو پوسٹ مارٹم کے لیے بھونگیر ایریا اسپتال منتقل کر دیا گیا ہے۔ پولیس نے دھماکے کی وجوہات کی تحقیقات شروع کر دی ہیں۔
About the Author
