حیدرآباد: جی ایچ ایم سی کمشنر آر وی کرنن نے ہفتہ کے روز الوال اور شہر کے دیگر علاقوں میں انسداد لاروا مہم کو تیز کرنے کی ہدایت دی تاکہ مانسون کے دوران صحت سے متعلق خطرات سے بچا جا سکے۔ انہوں نے کوکٹ پلی زون کے تحت بھولکشمی نگر، بھودیوی نگر اور مچھا بولارم میں صفائی اور مچھر کنٹرول سرگرمیوں کا معائنہ کیا۔
GHMC Commissioner Inspection اور مقامی مکینوں سے ملاقات کرتے ہوئے کچرے کی نکاسی اور مچھر افزائش کے مسائل پر بات کی اور فیلڈ اسٹاف کو فوری شکایات حل کرنے کی ہدایت دی۔ انہوں نے حکم دیا کہ تمام متعلقہ اہلکار 7 دن کے اندر ایکشن ٹیکن رپورٹ (ATR) پیش کریں۔
انہوں نے فیلڈ عہدیداروں کو خبردار کیا کہ حساس علاقوں میں فوری اور مؤثر اقدامات کیے جائیں اور کسی بھی قسم کی لاپرواہی برداشت نہیں کی جائے گی۔ عوام سے اپیل کی گئی کہ اگر کہیں کچرے کے ڈھیر یا تعمیری ملبہ ہو تو اس کی تصاویر واٹس ایپ نمبر 8125966586 پر روانہ کریں تاکہ فوری صفائی عمل میں لائی جا سکے۔
کمشنر کرنن نے کہا کہ تمام فیلڈ اسٹاف کو زمینی سطح پر موجود رہنا چاہیے، براہِ راست عوام سے رابطہ قائم کرتے ہوئے فوری شکایات کا ازالہ کریں۔
اس معائنہ کے دوران زونل کمشنر اپوروا چوہان، ڈپٹی کمشنر سرینواس ریڈی، اے ایم اینڈ ایچ او عہدیداران اور صفائی عملہ بھی موجود تھا۔
About the Author
