حیدرآباد: تلنگانہ کے وزراء اور تمام جماعتوں کے ارکان اسمبلی آج راج بھون میں گورنر جیشنُو دیو ورما سے ملاقات کریں گے تاکہ ایوان میں منظورہ BC Reservationبل کی منظوری حاصل کی جا سکے۔
وزراء اور ارکان اسمبلی کی گورنر سے ملاقات
وزیر پونم پربھاکر نے تمام فلور لیڈروں کو مکتوب روانہ کرتے ہوئے اپیل کی کہ وہ وفد کے ساتھ راج بھون چلیں۔ گورنر سے ملاقات کا وقت صبح 11:30 بجے مقرر کیا گیا ہے۔
گزشتہ ہفتے اسمبلی میں پنچایت راج ترمیمی بل متفقہ طور پر منظور کیا گیا تھا، جس کے تحت مقامی اداروں میں BC Reservationکی حد 50 فیصد ختم کرتے ہوئے اس میں اضافہ کیا گیا ہے۔
منظوری کے لیے دباؤ
وزراء اور تمام جماعتوں کے قائدین گورنر سے اپیل کرنے کا ارادہ رکھتے ہیں کہ وہ ایوان کے اتفاقِ رائے کی روشنی میں بل کو منظوری دیں۔
وفد میں وزراء پونم پربھاکر، واکٹی سری ہری، کونڈا سریکھا اور سرکاری وہِپ آدی سرینواس شامل ہوں گے۔
About the Author
