حیدرآباد: تلنگانہ قانون ساز کونسل کی رکن کلواکنٹلا Kavithaنے بدھ کے روز ریاست میں جاری شدید بارش اور محکمہ موسمیات کی جانب سے جاری فلیش فلڈ الرٹ کے پیش نظر حکومت اور عوام دونوں کو چوکس رہنے کی اپیل کی۔ انڈین میٹرولوجیکل ڈپارٹمنٹ نے ریاست کے 10 اضلاع میں اچانک سیلاب کے خدشے کی وارننگ جاری کی ہے۔
کویتا نے خاص طور پر کاماریڈی، نظام آباد، عادل آباد، نرمل، کومرم بھیم آصف آباد، بھدرادری کوتہ گوڑم، جئے شنکر بھوپال پلی، میدک، سنگاریڈی اور وقارآباد کے عوام سے اپیل کی کہ وہ بارش کے اس دورانیہ میں چوکس رہیں اور تمام حفاظتی ہدایات پر عمل کریں۔
انہوں نے تلنگانہ جاگرُتی کے کارکنوں اور رضاکاروں پر زور دیا کہ وہ متاثرہ علاقوں میں راحت اور بچاؤ کے اقدامات میں بڑھ چڑھ کر حصہ لیں۔ ان کا کہنا تھا کہ اس مشکل وقت میں عوام کے ساتھ کھڑا ہونا ہم سب کی ذمہ داری ہے۔
دوسری جانب مختلف سیاسی جماعتوں کے قائدین بھی متاثرہ علاقوں کا دورہ کر رہے ہیں تاکہ حالات کا جائزہ لے سکیں اور عوامی مشکلات میں کمی کے لئے اقدامات میں تعاون فراہم کریں۔ ریاست بھر میں سیاسی وابستگی سے بالاتر ہو کر مقامی کارکنوں سے فوری امداد پہنچانے کی اپیل کی جا رہی ہے۔
About the Author
