حیدرآباد: تلنگانہ جاگروتی کی صدر اور بی آر ایس ایم ایل سی K Kavithaنے آندھرا پردیش حکومت کے اس فیصلہ کی سخت مخالفت کی ہے جس کے تحت تروپتی میں ہتھی رام بھاواجی مٹھ عمارت کو منہدم کیا جانا ہے۔ انہوں نے کہا کہ یہ فیصلہ بنجارہ برادری سمیت لاکھوں عقیدت مندوں کے جذبات کو ٹھیس پہنچانے والا ہے۔
جمعہ کو جاری اپنے بیان میں کے کویتا نے کہا کہ یہ مٹھ محض ایک تاریخی عمارت نہیں بلکہ ایک روحانی مرکز ہے جو صدیوں سے عقیدت کا مرکز رہا ہے۔ انہوں نے آندھرا پردیش کے وزیراعلیٰ این چندرابابو نائیڈو سے اپیل کی کہ وہ اس فیصلہ کو فوری طور پر واپس لیں اور کسی بھی ایسے اقدام سے گریز کریں جس سے اس مقدس مقام کی حرمت متاثر ہو۔
کے کویتا نے زور دے کر کہا کہ یہ مٹھ خصوصاً بنجارہ برادری کے لیے بے حد ثقافتی و مذہبی اہمیت رکھتا ہے۔ ان کے مطابق حکومت کو عوام کے ان جذباتی اور روحانی تعلقات کا احترام کرنا چاہیے جو ایسے مقدس مقامات سے وابستہ ہیں۔ انہوں نے متنبہ کیا کہ اس عمارت کے انہدام کی کوشش عوامی جذبات کو شدید ٹھیس پہنچائے گی۔
انہوں نے آندھرا حکومت سے اپیل کی کہ وہ حساسیت کا مظاہرہ کرے اور تروپتی کے مذہبی ورثہ کی عمارتوں کی حرمت کو برقرار رکھے۔
తిరుపతి హాథిరాం బావాజీ మఠం కూల్చివేత ప్రయత్నాలు విరమించుకోవాలి
తిరుపతిలోని శ్రీ హాథిరాం బావాజీ మఠం భవనం కూల్చివేతకు ఆంధ్రప్రదేశ్ ప్రభుత్వం నిర్ణయం తీసుకోవడం హాథిరాం బావాజీని ఆరాదించే బంజారాల మనోభావాలను దెబ్బతీస్తున్నది
ఆంధ్రప్రదేశ్ ముఖ్యమంత్రి గారైన శ్రీ నారా చంద్రబాబు నాయుడు…
— Kavitha Kalvakuntla (@RaoKavitha) August 22, 2025
About the Author
