حیدرآباد: میدک پولیس نے کانگریس لیڈر انیل کے قتل کے مقدمے میں رویندر ریڈی کو مرکزی ملزم (A1) کے طور پر شناخت کر لیا ہے، جو ایک عرصے سے سیاسی حلقوں میں موضوعِ بحث بنا ہوا تھا۔
میدک کے سپرنٹنڈنٹ پولیس سرینواس راؤ نے میڈیا سے بات کرتے ہوئے بتایا کہ انیل کو 14 جولائی کو گولی مار کر قتل کیا گیا۔ پولیس نے قتل کے مقدمے میں رویندر ریڈی کے ساتھ ساتھ ناگرجو (A2) اور ناگ بھوشنم (A3) کے نام بھی شامل کیے ہیں۔ اب تک پانچ افراد کو گرفتار کیا جا چکا ہے جبکہ دو دیگر ملزمان کی تلاش جاری ہے۔
پولیس کے مطابق انیل اور رویندر ریڈی دونوں ایک ہی گاؤں سے تعلق رکھتے تھے اور ایک وقت میں انیل، رویندر ریڈی اور ان کی اہلیہ لکشمی کے قریبی ساتھی تھے۔ لکشمی کی وفات کے بعد دونوں کے درمیان تعلقات میں دراڑ پیدا ہوئی اور کشیدگی میں اضافہ ہوتا گیا۔
پولیس نے بتایا کہ قتل کی اصل وجوہات میں ایک پیٹرول پمپ اور 12 ایکڑ زمین کا تنازع شامل ہے۔ اس کے علاوہ ذاتی دشمنی اور یہ الزام بھی لگایا گیا ہے کہ انیل گاؤں میں رویندر ریڈی کے خلاف افواہیں پھیلا رہے تھے۔
افسران کے مطابق ناگراجو اور ناگ بھوشنم کی بھی مقتول انیل سے پرانی رنجشیں تھیں۔ Anil Murder Case میں پولیس کی تحقیقات جاری ہیں اور باقی دو ملزمان کی گرفتاری کے لیے خصوصی ٹیمیں روانہ کی گئی ہیں۔
About the Author
