حیدرآباد: بی آر ایس کے ورکنگ پریسیڈنٹ کے ٹی راما راؤ (کے ٹی آر) نے جمعرات کو کانگریس حکومت پر سخت تنقید کرتے ہوئے الزام عائد کیا کہ چیف منسٹر ریونت ریڈی کی قیادت میں دلت اور قبائلی طبقات کے حقوق کو بری طرح پامال کیا جا رہا ہے۔ انہوں نے کہا کہ چیوڑلہ ایس سی/ایس ٹی اعلامیہ پر عمل نہ کرنا اس حکومت کے Anti-Dalitرویے کی کھلی مثال ہے۔
کاماریڈی ضلع کے لنگم پیٹ میں منعقدہ دلت سیلف رسپیکٹ ریالی سے خطاب کرتے ہوئے کے ٹی آر نے عوام سے اپیل کی کہ مقامی ادارہ جاتی انتخابات میں کانگریس کو شکست دے کر احتجاج درج کریں۔
انہوں نے ریونت حکومت کو “دلت مخالف اور قبائلی مخالف” قرار دیتے ہوئے کہا کہ تلنگانہ ریاست کے قیام کے پیچھے برسوں کی جدوجہد اور سابق چیف منسٹر کے سی آر کی قیادت میں بی آر امبیڈکر کے نظریات شامل تھے۔ کے ٹی آر نے ریاستی سکریٹریٹ کو امبیڈکر کے نام سے منسوب کرنے کے فیصلے کو اس وابستگی کی علامت قرار دیا۔
ریونت ریڈی کے ذاتی اخراجات پر طنز کرتے ہوئے کے ٹی آر نے الزام لگایا کہ ویمولا واڑہ کے دورے کے دوران چیف منسٹر نے کھانے پر 1.35 لاکھ روپئے خرچ کیے، جب کہ گُرُکل طلبہ کو صرف 100 روپئے یومیہ میں ناقص غذا فراہم کی جا رہی ہے۔ انہوں نے دعویٰ کیا کہ ناقص غذا کے باعث “سینکڑوں” طلبہ ہلاک ہو چکے ہیں۔
کے ٹی آر نے امبیڈکر جینتی کے موقع پر پولیس کے ہاتھوں مبینہ طور پر بے عزت کیے گئے شخص، سیلو، کو بھی ریالی میں اعزاز سے نوازا اور کہا کہ یہ واقعہ پورے دلت سماج کی توہین ہے۔ انہوں نے کہا کہ اس بے عزتی کا بدلہ سیاسی طور پر ضرور لیا جائے گا۔
About the Author
