حیدرآباد: تلنگانہ اور بالائی ریاستوں میں موسلا دھار بارشوں کے بعد گوداوری ندی کا پانی بھدرادری میں خطرناک حد تک بڑھ گیا ہے۔ بدھ کے روز پانی کی سطح 43 فٹ تک پہنچ گئی، جس کے بعد حکام نے پہلا Flood Alertجاری کر دیا۔
کلکٹر اور ایس پی صورت حال پر قریبی نظر رکھے ہوئے ہیں۔ محکمہ جات نے ہنگامی ٹیموں کو الرٹ کر دیا ہے تاکہ کسی بھی ناخوشگوار واقعہ سے فوری طور پر نمٹا جا سکے۔
افسران نے کہا کہ اگر پانی کی سطح مزید بڑھی تو قریب 15 نچلی بستیاں زیرِ آب آ سکتی ہیں۔ اس کے لیے ریلیف سنٹرز پہلے ہی قائم کر دیے گئے ہیں تاکہ متاثرہ افراد کو پناہ دی جا سکے۔
ذرائع کے مطابق دوسرے وارننگ تھریش ہولڈ پر پہنچنے کی صورت میں ہیوی ڈیوٹی پمپس تیار رکھے گئے ہیں تاکہ سلویس گیٹ کے رساؤ کو روکا جا سکے۔
محکمہ موسمیات نے آئندہ دنوں میں مزید بارشوں کی پیشگوئی کی ہے، جس کے باعث گوداوری ندی پر مسلسل نگرانی جاری ہے۔
