حیدرآباد: ہندوستانی حج کمیٹی نے سال 2025 کے Haj Application Deadlineمیں توسیع کرتے ہوئے اب 7 اگست تک کا وقت دیا ہے۔ ابتدائی ڈیڈ لائن 31 جولائی مقرر کی گئی تھی، جس میں ایک ہفتہ کا اضافہ کیا گیا ہے تاکہ مزید عازمین استفادہ کر سکیں۔
درخواستیں صرف آن لائن [www.hajcommittee.gov.in](http://www.hajcommittee.gov.in) یا حج سہولت موبائل ایپ کے ذریعے جمع کی جا سکتی ہیں۔ صرف وہی ہندوستانی شہری اہل ہیں جن کے پاس 7 اگست 2025 تک جاری کردہ مشین ریڈیبل پاسپورٹ موجود ہو، جو کم از کم 31 دسمبر 2026 تک کارآمد ہو۔
درخواست دہندگان میں 65 برس اور اس سے زائد عمر والے افراد کو اولین ترجیح دی جائے گی، اس کے بعد بغیر محرم خواتین کی درخواستوں پر غور کیا جائے گا۔ اس کے بعد عام زمرہ اور ویٹ لسٹ درخواست گزاروں کی باری آئے گی۔ اگر درخواستوں کی تعداد مختص کوٹہ سے زائد ہوئی تو قرعہ اندازی کے ذریعے انتخاب عمل میں آئے گا۔
منتخب عازمین کو 1,52,300 روپئے بطور پیشگی رقم 20 اگست 2025 تک جمع کرانی ہوگی اور تمام مطلوبہ دستاویزات متعلقہ ریاستی حج کمیٹی میں جمع کروانے ہوں گے۔
حج 2025 کے لیے وجئے واڑہ کو ایک نیا امبارکیشن پوائنٹ شامل کیا گیا ہے، جس کے بعد ملک بھر میں ایسے مراکز کی مجموعی تعداد 18 ہو گئی ہے۔
اس بار محدود قیام کا آپشن بھی دستیاب رہے گا، جس کے تحت صرف تقریباً 20 دن کا قیام ممکن ہوگا۔ اس اسکیم کے لیے 10,000 عازمین کو اہل قرار دیا جائے گا، یا تو پہلے آؤ پہلے پاؤ کی بنیاد پر یا قرعہ اندازی کے ذریعے۔ اضافی چارجز لاگو ہو سکتے ہیں۔
حج کمیٹی نے تمام درخواست گزاروں کو مشورہ دیا ہے کہ وہ ہدایات بغور پڑھیں اور صرف اسی صورت میں درخواست دیں جب وہ مکمل طور پر تیار ہوں، کیونکہ منتخب ہونے کے بعد درخواست واپس لینے پر مالی جرمانہ عائد ہو سکتا ہے۔
About the Author
