حیدرآباد: [en]Leopard in Tirumala[/en] کی اطلاع نے آندھرا پردیش کے مقدس مقام تروملا میں سنسنی پھیلا دی۔ انا مایا بھون کے قریب واقع جنگلاتی علاقے میں ایک تیندوے کو آزادانہ گھومتے ہوئے دیکھا گیا، جس کی تصاویر سی سی ٹی وی کیمروں میں قید ہو گئیں۔
تیندوا لوہے کی باڑ کو پھلانگتے ہوئے کیمرے میں نظر آیا، جس کے بعد فوری طور پر محکمہ جنگلات کے اہلکار موقع پر پہنچے اور تیندوے کو واپس جنگل کی طرف بھگا دیا۔
تیندوے کی موجودگی کی خبر سے وہاں موجود شردھالووں (عقیدت مندوں) میں خوف و ہراس کی کیفیت پیدا ہو گئی۔ مقامی انتظامیہ نے صورتحال پر قابو پاتے ہوئے عقیدت مندوں کو پرسکون رہنے کی اپیل کی ہے۔
محکمہ جنگلات کی ٹیم نے علاقے کا معائنہ کرتے ہوئے حفاظتی اقدامات سخت کر دیے ہیں اور مزید گشت بڑھا دی گئی ہے تاکہ کسی بھی ناخوشگوار واقعہ سے بچا جا سکے۔ عقیدت مندوں سے کہا گیا ہے کہ وہ مقررہ راستوں پر ہی رہیں اور کسی بھی غیر متوقع سرگرمی کی اطلاع فوری طور پر حکام کو دیں۔
