حیدرآباد: تلنگانہ میں ایل ایل بی کورسز کے لیے پہلی مرحلے کی LLB Admissionsالاٹمنٹ میں 6,218 سیٹیں الاٹ کی گئیں۔ لا سیٹ (LAWCET) ایڈمیشنز کنوینر پروفیسر جے پانڈو رنگا ریڈی نے بتایا کہ یہ الاٹمنٹس کنوینر کوٹہ کے تحت کی گئیں جہاں کل 7,540 نشستیں دستیاب تھیں۔
رپورٹنگ اور سرٹیفکیٹ جمع کرنے کی ہدایت
کنوینر نے کہا کہ جن امیدواروں کو سیٹ ملی ہے وہ 30 اگست سے 4 ستمبر کی شام 5 بجے تک اپنے متعلقہ کالجس میں رپورٹ کریں اور سرٹیفکیٹس جمع کرائیں۔ طلبہ کو بغیر تاخیر کے عمل مکمل کرنے کا مشورہ دیا گیا۔ تفصیلی معلومات سرکاری ویب سائٹ پر دستیاب ہیں۔
تین سالہ اور پانچ سالہ کورسز کی تفصیل
کل 7,540 کنوینر کوٹہ سیٹوں میں سے:
* 5,281 سیٹیں تین سالہ ایل ایل بی کورس کے لیے رکھی گئیں۔
* 2,259 سیٹیں پانچ سالہ ایل ایل بی کورس کے لیے مختص تھیں۔
کل 14,201 امیدواروں نے ویب آپشنز استعمال کیے، جن میں 11,870 نے تین سالہ کورس اور 2,331 نے پانچ سالہ پروگرام منتخب کیا۔
پہلے مرحلے میں:
* 4,685 امیدواروں کو تین سالہ کورس میں سیٹ الاٹ ہوئی۔
* 1,533 امیدواروں کو پانچ سالہ کورس میں داخلہ ملا۔
کنوینر نے کہا کہ منتخب امیدوار اپنی ٹیوشن فیس آن لائن ڈیبٹ کارڈ، کریڈٹ کارڈ یا نیٹ بینکنگ کے ذریعہ ادا کریں۔ مزید معلومات یا شکایات کے لیے امیدوار ایڈمیشن آفس سے [tgcetsadms@gmail.com](mailto:tgcetsadms@gmail.com) پر رابطہ کر سکتے ہیں۔
