حیدرآباد: گریٹر حیدرآباد میونسپل کارپوریشن (جی ایچ ایم سی) نے جمعہ کے روز شہر بھر میں 42 چائے پاؤڈر یونٹس اور چائے پوائنٹس کی جانچ کی۔ یہ GHMC Action ہفتہ وار فوڈ سیفٹی مہم کے تحت انجام دی گئی۔
محکمہ کے فوڈ سیفٹی افسران نے 19 نمونے حاصل کئے اور تجزیہ کے لئے انہیں ریاستی فوڈ لیبارٹری روانہ کر دیا۔ عہدیداروں نے بتایا کہ دکانداروں کو حفظان صحت اور سیفٹی معیارات کے بارے میں آگاہ کیا گیا ہے اور لیب رپورٹ موصول ہونے کے بعد قواعد کی خلاف ورزی کرنے والوں کے خلاف کارروائی کی جائے گی۔
شہریوں کے لئے انتباہ
GHMC Action کے بعد کارپوریشن نے عوام سے اپیل کی کہ وہ محفوظ استعمال کے لئے صرف صاف ستھرے مراکز کو ترجیح دیں۔ عہدیداروں نے وضاحت کی کہ خالص چائے کے پتوں کو گیلے کپڑے پر رگڑنے سے کوئی رنگ نہیں نکلتا، جبکہ ملاوٹ شدہ چائے پیلا داغ چھوڑتی ہے۔ اسی طرح خالص چائے پانی میں ہلکا قہوہ بنا دیتی ہے، جبکہ ملاوٹ شدہ چائے فوراً گہرا سرخ رنگ اختیار کر لیتی ہے۔
About the Author
