حیدرآباد: چیف منسٹر اے Revanth Reddyنے تلنگانہ میں تعلیم کے شعبے میں بڑے پیمانے پر اصلاحات کا اعلان کیا ہے جن کے تحت ریاست کے تمام تعلیمی اداروں میں طلبہ اور اسٹاف کے لیے فیشل ریکگنیشن لازمی قرار دیا گیا ہے، جبکہ اسکولوں کی تعمیر کا تمام کام ایک ہی ادارے کے حوالے کر دیا گیا ہے۔
انٹیگریٹڈ کمانڈ اینڈ کنٹرول سنٹر (ICCC) میں منعقدہ جائزہ اجلاس سے خطاب کرتے ہوئے وزیراعلیٰ نے مختلف محکموں کے ذریعہ اسکول انفراسٹرکچر کی تقسیم شدہ نگرانی پر برہمی ظاہر کی۔ انہوں نے ہدایت دی کہ اب سے تمام کلاس رومز، بیت الخلا، کچن، یورینل اور باونڈری وال کی تعمیر ایجوکیشن، ویلفیئر اینڈ انفراسٹرکچر ڈیولپمنٹ کارپوریشن (EWIDC) انجام دے گا جو فی الحال ینگ انڈیا انٹیگریٹڈ ریزیڈنشیل اسکولس کی دیکھ بھال کر رہا ہے۔
اسکول انفراسٹرکچر اور نگرانی کے نئے اقدامات
وزیراعلیٰ نے دیگر محکموں سے انجینئرنگ اور سپورٹ اسٹاف کو EWIDC کے حوالے کرنے کی ہدایت دی۔ انہوں نے مزید احکامات جاری کیے:
* مڈ ڈے میل کی ادائیگیاں گرین چینل کے ذریعہ بغیر تاخیر کی جائیں۔
* خواتین کالجوں اور لڑکیوں کے اسکولوں میں صفائی کے انتظامات اور باونڈری وال کی تعمیر فوری طور پر مکمل کی جائے۔
* شمسی توانائی سے لیس کنٹینر کچن قائم کیے جائیں۔
* تمام اسکولوں میں کھیلوں کو فروغ دیا جائے اور ضرورت پڑنے پر کنٹریکٹ پر فزیکل ایجوکیشن ٹیچرس رکھے جائیں۔
* اما آدرش اسکولس اسکیم کے تحت صفائی کے بقایا بل فوری جاری کیے جائیں۔
* ویلفیئر ہاسٹلز میں خواتین کونسلرز مقرر کیے جائیں تاکہ طالبات کو سماجی و ذاتی مسائل پر رہنمائی مل سکے۔
وزیراعلیٰ ریونت ریڈی نے کہا کہ تعلیم پر خرچ کو طویل مدتی سرمایہ کاری سمجھا جانا چاہیے۔ انہوں نے بتایا کہ ڈپٹی چیف منسٹر ملّو بھٹی وکرمارکا نے مرکزی وزیر مالیات نرملا سیتا رمن سے درخواست کی ہے کہ تعلیم کے شعبے کے قرضوں کو FRBM حدود سے مستثنیٰ قرار دیا جائے، بالخصوص ینگ انڈیا اسکولس کے لیے۔
طلبہ کے داخلوں پر رپورٹ طلب
وزیراعلیٰ نے ہدایت دی کہ گزشتہ 10 برسوں کے دوران سرکاری اداروں میں طلبہ کے داخلوں کی تفصیلات پر مشتمل رپورٹ تیار کی جائے تاکہ اس بات کی تصدیق ہوسکے کہ 90 فیصد سے زیادہ طلبہ پسماندہ طبقات، درج فہرست ذاتوں، درج فہرست قبائل اور مذہبی اقلیتوں سے تعلق رکھتے ہیں۔
اس اجلاس میں چیف منسٹر کے مشیر ویم نریندر ریڈی، اسپیشل سکریٹری بی اجیت ریڈی، او ایس ڈی ویملا سرینواسلو، پرنسپل سکریٹری ایجوکیشن یوگیتا رانا اور دیگر سینئر عہدیدار شریک ہوئے۔
పాఠశాలలు మొదలు విశ్వవిద్యాలయాల వరకు ప్రతి విద్యా సంస్థలోనూ మెరుగైన విద్యా బోధన, బోధనలో నాణ్యతా ప్రమాణాలు మరింతగా పెంచాలని ముఖ్యమంత్రి శ్రీ @revanth_anumula గారు ఆదేశించారు. పాఠశాలలు, కళాశాలలు, ప్రొఫెషనల్ కాలేజీల్లో విద్యార్థులు, బోధన సిబ్బందికి ఫేషియల్… pic.twitter.com/aiFHzRFCUH
— Telangana CMO (@TelanganaCMO) August 29, 2025
About the Author
