حیدرآباد: تلنگانہ کے چیف منسٹر اے ریونت ریڈی نے بدھ کے روز حکام کو ہدایت دی کہ Hyderabad Rains کے دوران کسی بھی قسم کی دشواری عوام کو نہ ہو۔ انہوں نے کہا کہ متعلقہ محکمے مکمل چوکسی اختیار کریں تاکہ بارش سے متاثرہ علاقوں میں فوری راحت پہنچائی جا سکے۔
چیف منسٹر نے تمام محکموں کو مل جل کر کام کرنے کی ہدایت دی۔ انہوں نے نشاندہی کی کہ کئی مقامات پر برساتی پانی سڑکوں پر جمع ہو گیا ہے جس کی وجہ سے ٹریفک متاثر ہوئی۔ اس موقع پر انہوں نے پولیس، جی ایچ ایم سی اور ٹریفک حکام کو فوری طور پر پانی نکالنے اور ٹریفک بحال کرنے کی ہدایت دی۔
نشیبی علاقوں کے مکینوں کو انتباہ
ریونت ریڈی نے عوام سے اپیل کی کہ نشیبی علاقوں اور کھلے نالوں کے قریب رہنے والے مکین خصوصی احتیاط کریں۔ انہوں نے کہا کہ Hyderabad Rains کے دوران ضرورت کے بغیر گھروں سے باہر نہ نکلیں تاکہ کسی قسم کی دشواری یا حادثہ پیش نہ آئے۔
وزیراعلیٰ نے مزید ہدایت دی کہ جی ایچ ایم سی اور برقی محکمے کے ملازمین متاثرہ کالونیوں میں فوری امداد فراہم کریں اور برقی لائنوں کی حفاظت کو یقینی بنائیں۔
