حیدرآباد: صدر جمہوریہ دروپدی مرمو دو روزہ سرکاری دورے پر جمعہ کی دوپہر حیدرآباد پہنچیں۔ بیگم پیٹ ایئرپورٹ پر ان کا والہانہ استقبال کیا گیا۔ وزیراعلیٰ ریونت ریڈی، گورنر جِشنو دیو ورما، مملکتی وزیر جی۔ کشن ریڈی، ریاستی وزیر پونّم پربھاکر، جی ایچ ایم سی میئر گدوالہ وجیالکشمی، چیف سیکریٹری راما کرشن راؤ، ڈی جی پی شیودھر ریڈی، ضلع کلکٹر ہری چندنا اور پولیس کمشنر سجنار نے ان کا خیرمقدم کیا۔
استقبالیہ تقریب کے بعد صدرِ مملکت کو راج بھون لے جایا گیا، جہاں گورنر نے انہیں رسمی طور پر خوش آمدید کہا۔ صدر کا یہ دورہ سکندرآباد کے راشٹرپتی نیلایم میں شروع ہونے والے بھارتیہ کلا مہوتسو 2025 میں شرکت کے سلسلے میں ہے۔
مغربی بھارت کی ثقافتی جھلکیاں کلا مہوتسو میں | Presidential Visit
اس سال کے کلا مہوتسو میں مغربی بھارت کی ثقافتی وراثت کو مرکزی اہمیت دی جا رہی ہے۔ گجرات، راجستھان، مہاراشٹر اور گوا کے ساتھ دادرنگر حویلی، دمن اور دیو کی یونین ٹیریٹریز بھی اپنی دستکاری، پکوان، ادب اور لوک روایات پیش کر رہی ہیں۔ مختلف ریاستوں سے آئے فنکار روایتی حسن و ثقافت کو نمایاں کریں گے۔
صدر مرمو راج بھون میں قیام کریں گی اور 22 نومبر کو آندھرا پردیش کے پُتّاپرتھی روانہ ہوں گی۔
About the Author
