حیدرآباد: سبریمالا یاترا کے دوران بڑھتی ہوئی زائرین کی آمد کو مدنظر رکھتے ہوئے ساؤتھ سنٹرل ریلوے نے جنوری 2026 میں چرلاپلّی ، کولم اور ناندیڑ کے درمیان 6خصوصی ٹرینیں چلانے کا اعلان کیا ہے۔ ریلوے حکام کے مطابق ان خدمات کا مقصد کیرالا جانے والے زائرین کو بہتر سہولت فراہم کرنا ہے۔
چرلاپلّی سے کولم تک دو طرفہ خدمات | Special Trains
ٹرین نمبر 07135 چرلاپلّی سے کولم کے لیے 14 اور 21 جنوری کو روانہ ہو گی، جبکہ واپسی کی ٹرین نمبر 07136 کولم سے 16 اور 23 جنوری کو چلے گی۔
ان ٹرینوں کا ملکاجگری، کاچی گوڑہ، کرنول، رینی گنٹہ، تروپتی، سیلم، ایروڈ، پللکڑ، ایرناکلم ٹاؤن، کوٹایم، تِرُووالا اور چینگنور جیسے اہم اسٹیشنوں پر توقف ہوگا۔
ناندیڑ-کولم راستے سے شمالی علاقوں کے زائرین کو سہولت | Special Trains
شمالی تلنگانہ اور مہاراشٹرا کے زائرین کے لیے ٹرین نمبر 07133 سات جنوری کو ایچ۔ ایس۔ ناندیڑ سے کولم روانہ ہوگی، جبکہ 07134 نو جنوری کو کولم سے ناندیڑ واپس آئے گی۔
ان ٹرینوں کا نظام آباد ، کریم نگر، ورنگل، وجے واڑہ، اونگول، نیلور، رینی گنٹہ، تروپتی سمیت دیگر اہم اسٹیشنوں پر توقف رہے گا۔
ریلوے کے مطابق یہ خصوصی خدمات سیزن کے دوران کیرالا جانے والے سبریمالا عقیدت مندوں کے سفر کو سہل اور منظم بنانے کے لیے ترتیب دی گئی ہیں، تاکہ جنوری میں یاترا کے عروج کے وقت ٹرینوں میں رش کم کیا جا سکے۔
About the Author
