حیدرآباد: مرکزی حکومت نے نیشنل ہائی ویز پر گاڑیوں کیلئے یو پی آئی ٹول ادائیگی کا نیا اصول نافذ کر کے مسافروں کو بڑی راحت دی ہے۔ اب تک فاسٹ ٹیگ نہ رکھنے والوں کو نقد یا یو پی آئی-دونوں صورتوں میں ڈبل ٹول ادا کرنا پڑتا تھا، مگر جمعہ کی صبح سے شروع ہونے والی نئی سہولت کے تحت یو پی آئی سے ادائیگی پر صرف 25 فیصد اضافی فیس وصول کی جائے گی۔
نان فاسٹ ٹیگ گاڑیوں کیلئے واضح رعایت | UPI Toll
موجودہ قانون کے مطابق فاسٹ ٹیگ کے بغیر گاڑی چلانے والوں پر ہر ٹول پلازا پر ڈبل فیس لاگو ہوتی ہے، جو نقد ادائیگی پر برقرار رہے گی۔ نئی پالیسی صرف یو پی آئی ادائیگیوں کیلئے رعایت فراہم کرتی ہے، جس سے ڈیجیٹل ادائیگی کرنے والے ڈرائیوروں کو براہِ راست فائدہ ہوگا۔
نیا حساب کیسے کام کرے گا؟ | UPI Toll
اگر ٹول 100 روپے ہو تو فاسٹ ٹیگ والے 100 روپے ہی ادا کریں گے۔ فاسٹ ٹیگ کے بغیر نقد ادائیگی کرنے والا ڈرائیور 200 روپے ادا کرے گا۔ مگر نئی پالیسی کے تحت یو پی آئی سے ادائیگی پر صرف 125 روپے وصول کیے جائیں گے، یعنی ڈبل فیس کے بجائے صرف 25 فیصد اضافی چارج۔
این ایچ اے آئی نے تمام ٹول پلازوں پر سافٹ ویئر اپڈیٹ شروع کر دیا ہے تاکہ نئے اصول کو فعال کیا جا سکے۔ حکام نے واضح کیا کہ نقد ادائیگی پر ڈبل فیس کا اصول برقرار رہے گا۔
About the Author
