حیدرآباد: لنگر حوض کے مکین اتوار کی شام خوفزدہ ہو گئے جب موسی ندی کے کنارے ایک Crocodileکو دیکھا گیا۔ مقامی افراد کے مطابق اس سیزن میں ندی میں یہ تیسرا موقع ہے جب مگرمچھ نظر آیا ہے۔
ندی کنارے کھیلنے والے بچوں نے سب سے پہلے مگرمچھ کو ایک بڑے پتھر پر آرام کرتے دیکھا اور فوراً قریبی رہائشیوں کو اطلاع دی۔ چند منٹوں میں ہی وہاں بھیڑ جمع ہوگئی۔ کئی افراد نے اس منظر کو اپنے موبائل فون میں قید کر لیا اور بعد میں محکمہ جنگلات و پولیس کو اطلاع دی۔
موسی ندی میں مگرمچھ، حمیات ساگر سے پانی کے اخراج کے بعد بہاؤ میں اضافہ
اس سے قبل بھی اس ماہ کی ابتدا میں موسی ندی کے کشن باغ، اسد بابا نگر اور چیتنیہ پوری علاقوں میں مگرمچھ دیکھے گئے تھے۔ مقامی باشندوں کا ماننا ہے کہ حمیات ساگر سے پانی کے اخراج کی وجہ سے ندی کا بہاؤ بڑھ گیا ہے، جس کے نتیجے میں مگرمچھ زیادہ نقل و حرکت کر رہے ہیں۔
ندی کنارے رہنے والے لوگ اپنی اور اپنے بچوں کی حفاظت کو لے کر پریشان ہیں۔ انہوں نے کہا کہ بار بار کے ان واقعات نے علاقے میں خوف و ہراس کا ماحول پیدا کر دیا ہے۔
About the Author
