حیدرآباد: تلنگانہ کے وزیر اعلیٰ اے ریونت ریڈی نے پیر کے روز معذور افراد، بزرگ شہریوں اور خواجہ سرا برادری کے لیے متعدد فلاحی اسکیموں کا آغاز کرتے ہوئے کہا کہ معذور افراد کی مدد حکومت کی انسانی ذمہ داری ہے۔ انہوں نے واضح کیا کہ ریاستی پالیسیوں کا مقصد کمزور طبقات کو باوقار زندگی فراہم کرنا ہے۔
پرجا بھون میں منعقدہ تقریب کے دوران وزیر اعلیٰ نے ‘بالا بھروسہ’ اسکیم اور ‘پرنام’ ڈے کیئر مراکز کا افتتاح کیا۔ اس موقع پر معذور افراد میں موڈیفائیڈ موٹر گاڑیاں، بیٹری سے چلنے والی ٹرائی سائیکلز، لیپ ٹاپس، سماعتی آلات، موبائل فون اور دیگر معاون آلات تقسیم کیے گئے۔ یہ سہولتیں معذور افراد کی فلاحی کارپوریشن کے 50 کروڑ روپئے کے خصوصی منصوبے کے تحت فراہم کی گئیں۔
شادی، روزگار اور خودمختاری | Disabled Welfare
وزیر اعلیٰ نے اعلان کیا کہ معذور افراد کی شادی کے لیے 2 لاکھ روپئے کی مالی امداد دی جائے گی، چاہے دونوں شریکِ حیات معذور ہوں یا صرف ایک۔ انہوں نے یقین دہانی کرائی کہ تعلیم یافتہ معذور افراد کو سرکاری ملازمتیں فراہم کی جائیں گی، خاص طور پر وہ افراد جو کھیلوں میں نمایاں کارکردگی کا مظاہرہ کریں گے۔
انہوں نے مزید بتایا کہ خواجہ سرا افراد کو سرکاری نوکریاں اور اندرامّا ں مکانات دیے جا رہے ہیں۔ ساتھ ہی وزراء کو ہدایت دی گئی ہے کہ بلدیاتی اداروں اور متعلقہ کارپوریشن میں خواجہ سرا افراد کو شریک رکن نامزد کیا جائے تاکہ حکمرانی میں ان کی آواز شامل ہو سکے۔
بزرگوں کا احترام اور صحت پالیسی | Disabled Welfare
بزرگ شہریوں کی فلاح پر بات کرتے ہوئے وزیر اعلیٰ نے کہا کہ اگر کوئی سرکاری ملازم اپنے والدین کی دیکھ بھال میں غفلت برتے گا تو اس کی تنخواہ میں 10 سے 15 فیصد تک کٹوتی کی جائے گی۔ یہ اقدام ‘پرنام’ پروگرام کے تحت نافذ کیا جائے گا جس کا مقصد بزرگوں کی عزت اور تحفظ کو یقینی بنانا ہے۔
وزیر اعلیٰ نے یہ بھی اعلان کیا کہ آئندہ بجٹ اجلاس میں نئی ریاستی صحت پالیسی پیش کی جائے گی۔ ان کے مطابق حکومت کا ہدف تلنگانہ کے ہر فرد کے لیے 100 فیصد صحت کوریج فراہم کرنا ہے تاکہ سماجی انصاف اور مساوی مواقع پر مبنی معاشرہ تشکیل دیا جا سکے۔
సమాజంలో దివ్యాంగులు ఆత్మగౌరవంతో నిలబడే విధంగా సహాయ సహకారాలు అందించడంలో ప్రభుత్వం మానవీయ కోణంలో పనిచేస్తుందని ముఖ్యమంత్రి శ్రీ @revanth_anumula గారు చెప్పారు. దివ్యాంగులు కుటుంబానికి భారమవుతున్నామని ఆత్మన్యూనతతో ఆందోళన చెందవద్దని, ప్రభుత్వం అన్ని విధాలుగా సహాయం అందిస్తుందని భరోసా… pic.twitter.com/SFGdFBk23Z
— Telangana CMO (@TelanganaCMO) January 12, 2026
About the Author
