حیدرآباد: بی آر ایس کی رہنما K Kavithaنے منگل کے روز پارٹی سے استعفیٰ دے دیا اور قانون ساز کونسل کی رکنیت بھی چھوڑ دی۔ انہوں نے واضح الفاظ میں کہا کہ وہ کسی بھی سیاسی جماعت میں شامل ہونے کا کوئی ارادہ نہیں رکھتیں۔
کویتا نے کہا کہ اس بارے میں کوئی شبہ نہیں ہونا چاہیے کہ میں کسی پارٹی میں شامل نہیں ہو رہی۔ میں ایک باحوصلہ، مضبوط اور ہمت رکھنے والی خاتون ہوں۔
انہوں نے بتایا کہ وہ جلد ہی بی سی نوجوانوں، سماجی انصاف کے علمبرداروں اور جاگرتھی قائدین و کارکنوں سے مشاورت کریں گی تاکہ آئندہ کے لائحہ عمل کا فیصلہ کیا جا سکے۔ تاہم، انہوں نے یہ بھی واضح کیا کہ انہوں نے اپنے سیاسی مستقبل کے بارے میں کوئی فیصلہ نہیں کیا ہے۔
کویتا نے کہا کہ ان کا واحد افسوس یہ ہے کہ وہ اپنی والدہ سے ملاقات نہیں کر سکیں۔
About the Author
