حیدرآباد ۔ اوڈیشہ سے تعلق رکھنے والی 20 سالہ لڑکی کو بدھ کے دن کیسرہ میں اس کے رشتہ داروں نے اغوا کر لیا۔ یہ Odisha Girl اپنے قریبی دوست سے خاندان کی خواہش کے خلاف شادی کے بعد چار ماہ سے نرسم پلی گاؤں میں اپنے شوہر پراوین کے ساتھ رہ رہی تھی۔
پولیس کے مطابق بدھ کے روز لڑکی کے رشتہ دار اچانک پراوین کے مکان میں گھس آئے۔ انہوں نے پراوین اور اس کے اہل خانہ پر مرچ پاؤڈر پھینکا اور مزاحمت کرنے پر لاٹھیوں سے مارپیٹ کی۔ بعدازاں لڑکی کو زبردستی ایک کار میں ڈال کر لے گئے۔ اس حملے میں پراوین اور اس کے رشتہ دار زخمی ہوگئے جنہیں اسپتال میں داخل کرایا گیا۔
سی سی ٹی وی میں واقعہ قید
گھر میں نصب سی سی ٹی وی کیمروں نے پورے واقعے کی ریکارڈنگ کی ہے۔ پراوین نے پولیس اسٹیشن میں باضابطہ شکایت درج کرائی جس پر کیسرہ پولیس نے مقدمہ قائم کر کے Odisha Girl کو تلاش کرنے کے لیے ٹیمیں تشکیل دی ہیں۔ حکام کا کہنا ہے کہ تحقیقات تیزی سے جاری ہیں۔
