حیدرآباد: بی سی لیڈر اور رکن اسمبلی R Krishnaiahنے ایم ایل سی کویتا کی بی سی کوٹہ کے لیے جاری بھوک ہڑتال کی مکمل حمایت کرتے ہوئے اسے پسماندہ طبقات کے لیے ایک خلوص نیت پر مبنی جدو جہد قرار دیا، اور وزیراعلیٰ ریونت ریڈی پر آئینی ذمے داری سے فرار کا الزام عائد کیا۔
کرشنیّا نے کہا کہ ریاستی حکومت مقامی اداروں میں 42 فیصد بی سی تحفظات پر عمل آوری کے معاملے میں دوغلی پالیسی اپنا رہی ہے، حالانکہ دستور کا آرٹیکل 243D(6) ریاستوں کو مکمل اختیار دیتا ہے۔
انہوں نے کہا: ریونت مسلسل توجہ ہٹانے کی سیاست کر رہے ہیں، لیکن کوئی ٹھوس قدم نہیں اٹھا رہے۔
کرشنیّا نے کہا کہ ریونت نہ گورنر سے ملے، نہ صدر جمہوریہ سے وقت لیا، اور نہ ہی کسی کل جماعتی اجلاس کا انعقاد کیا۔
انہوں نے کہا: “ریزرویشن نافذ کرنے کے بجائے وزیر اعلیٰ صرف بی جے پی اور اپوزیشن پر کیچڑ اچھالنے میں وقت ضائع کر رہے ہیں۔”
انہوں نے کانگریس حکومت پر بی سی کوٹہ کے وعدے سے پیچھے ہٹنے کا الزام لگاتے ہوئے کہا کہ ریونت اپنی آئینی ذمے داری سے منہ موڑ رہے ہیں۔
“نہ ماہرین سے مشورہ، نہ پارٹیوں سے بات چیت۔ صرف تاخیر اور بہانہ بازی”، کرشنیّا نے کہا۔
ایم ایل سی کویتا کی بھوک ہڑتال کو سراہتے ہوئے کرشنیّا نے کہا کہ یہ احتجاج بی سی تحریک کو مضبوط کرے گا۔
“یہ ایک بے لوث، خالص جدو جہد ہے۔ کویتا جی کا عزم واضح ہے، میں ان کی مکمل حمایت کرتا ہوں اور دعا گو ہوں کہ ان کا احتجاج کامیاب ہو۔”
About the Author
