حیدرآباد: تلنگانہ کے نائب وزیراعلیٰ بھٹی وکرامارکا نے کہا ہے کہ 4,000 میگاواٹ کی یادادری تھرمل Power Plantجنوری 2026 تک مکمل طور پر فعال ہو جائے گا۔ اس وقت دو یونٹس، مجموعی طور پر 1,600 میگاواٹ بجلی پیدا کر رہے ہیں۔
بھٹی وکرامارکا نے جمعہ کے روز وزیر کومٹ ریڈی وینکٹ ریڈی اور وزیر اُتم کمار ریڈی کے ہمراہ نلگنڈہ ضلع کے دامراچیرلہ میں پہلے یونٹ کا افتتاح کیا اور ملازمین کے لیے ٹاؤن شپ کا سنگ بنیاد رکھا۔
انہوں نے سابق حکومت کو منصوبے میں تاخیر کا ذمہ دار ٹھہراتے ہوئے کہا کہ ماحولیاتی منظوری میں دو سال کی تاخیر ہوئی۔ موجودہ کانگریس حکومت نے اقتدار سنبھالنے کے صرف دو ماہ کے اندر تمام منظوری حاصل کر لی۔
بھٹی نے اعلان کیا کہ ملازمین اور قریبی علاقوں کے رہائشیوں کے لیے اعلیٰ معیار کے اسکول اور اسپتال فراہم کیے جائیں گے۔ مقامی اسمبلی حلقوں کے لیے ایمبولنس خدمات بھی دستیاب ہوں گی۔ فلاحی اسکیمیں براہ راست پلانٹ کے اطراف کے باسیوں کو فائدہ پہنچائیں گی۔
انہوں نے یقین دلایا کہ یادادری اور پولی چنتلا منصوبوں کے لیے زمین دینے والے تمام متاثرین کو 15 اگست تک ملازمتیں فراہم کی جائیں گی۔ حکومت مکمل باز آبادکاری اور معاوضے کے اقدامات پر بھی عمل درآمد کرے گی۔
مقامی افراد کی جانب سے پلانٹ کے بھاری ٹریفک کی وجہ سے سڑکوں کو پہنچنے والے نقصان کی شکایت پر بھٹی نے کہا کہ سیمنٹ کنکریٹ (سی سی) سڑکوں کا کام جاری ہے۔
انہوں نے سابق حکومت پر تنقید کرتے ہوئے کہا کہ مقامی لوگوں کو نوکریاں دینے میں مکمل ناکامی دکھائی گئی۔
నల్గొండ జిల్లా దామరచర్ల మండలంలోని యాదాద్రి థర్మల్ పవర్ ప్లాంట్ (YTPS) వద్ద 800 మెగావాట్ల సామర్థ్యం కలిగిన యూనిట్ను జాతికి అంకితమివ్వడం జరిగింది.
ఈ యూనిట్తోపాటు, ఉద్యోగులు మరియు ఇంజినీర్ల వసతుల కోసం ప్రత్యేకంగా రూపకల్పన చేసిన ఇంటిగ్రేటెడ్ టౌన్షిప్ నిర్మాణానికి పైలాన్ వద్ద… pic.twitter.com/ixtP9VO09R
— Bhatti Vikramarka Mallu (@Bhatti_Mallu) August 1, 2025
About the Author
