حیدرآباد: حیدرآباد محکمہ موسمیات کے مطابق مشرقی وسطی خلیج بنگال پر 1.5 کلومیٹر بلندی پر Monsoonٹرف برقرار ہے، جو 27 اگست تک تلنگانہ کے مختلف اضلاع میں ہلکی سے درمیانی بارش کا سبب بن سکتا ہے۔
محکمہ نے بتایا کہ جمعرات کو ریاست کے کچھ حصوں میں ہلکی بارش ریکارڈ کی گئی اور آنے والے دنوں میں بارش کی سرگرمی میں مزید اضافہ متوقع ہے۔
جمعہ کے دن منچریال، بھوپال پلی، مُلُگ، کھمم، کوتہ گوڈم، نلگنڈہ، سوریا پیٹ، محبوب آباد، ورنگل اور ہنمکنڈہ اضلاع میں بارش کے ساتھ ساتھ بجلی کڑکنے، گرج چمک اور 30 تا 40 کلومیٹر فی گھنٹہ کی رفتار سے تیز ہواؤں کے چلنے کا امکان ہے۔
گزشتہ 24 گھنٹوں میں سب سے زیادہ بارش کومرم بھیم آصف آباد ضلع کے جینتھ میں ریکارڈ کی گئی جہاں 2.95 سینٹی میٹر بارش ہوئی۔ مُلُگ ضلع کے واجیڈو میں 2.55 سینٹی میٹر اور کنائی گوڈم میں 2.33 سینٹی میٹر، جب کہ جیا شنکر بھوپال پلی ضلع کے گٹل میں 1.61 سینٹی میٹر اور پالی میلا میں 1.60 سینٹی میٹر بارش ریکارڈ کی گئی۔
محکمہ موسمیات نے عوام کو مشورہ دیا ہے کہ اس دوران احتیاط برتیں، خاص طور پر ان علاقوں میں جہاں مقامی سطح پر تیز بارش متوقع ہے۔
About the Author
