حیدرآباد: بی آر ایس کے جنرل سکریٹری آر ایس پر وین کمار نے الزام لگایا ہے کہ Medigaddaبیراج کا ستون حادثاتی طور پر نہیں گرا بلکہ یہ سماج دشمن عناصر کی جانب سے دانستہ تخریب کاری کا نتیجہ ہے۔ انہوں نے اس معاملے کی تحقیقات کے لئے خصوصی تحقیقاتی ٹیم (SIT) تشکیل دینے کا مطالبہ کیا۔
ہفتہ کو تلنگانہ بھون میں پریس کانفرنس سے خطاب کرتے ہوئے پر وین کمار نے سوال اٹھایا کہ آخر صرف میڈی گڈہ کا ستون ہی کیوں گرا، جبکہ میڈی گڈہ ، اننارم اور سندیلا تینوں بیراجز 2022 کی شدید طغیانی میں محفوظ رہے تھے۔
انہوں نے کہا کہ 22 اکتوبر 2023 کو ایک اسسٹنٹ انجینئر نے “دھماکہ جیسی آوازیں” سننے کی شکایت درج کرائی تھی، لیکن آج تک اس کی تحقیقات نہیں ہوئیں۔ پر وین کمار نے نشاندہی کی کہ علاقے میں کوئی زلزلہ نہیں آیا اور نہ ہی عینی شاہدین کے بیانات قلمبند کئے گئے۔
سیاست سے جڑی سازش کا الزام
پر وین کمار کے مطابق یہ انہدام سابق وزیراعلیٰ کے چندر شیکھر راؤ (کے سی آر) کی وراثت کو نقصان پہنچانے کی سازش لگتی ہے۔ انہوں نے موجودہ حکومت پر الزام لگایا کہ وہ بی آر ایس دور میں تعمیر ہونے والے بڑے پروجیکٹس کو تحفظ فراہم کرنے میں ناکام رہی ہے۔
انہوں نے کہا کہ تحقیقات میں وزیراعلیٰ ریونت ریڈی اور بی جے پی قائدین بنڈی سنجے اور جی کشن ریڈی کے موبائل ریکارڈز کی بھی جانچ ہونی چاہئے تاکہ مشکوک روابط کا پتہ چل سکے۔
این ڈی ایس اے اور سیاسی دباؤ
بی آر ایس لیڈر نے نیشنل ڈیم سیفٹی اتھارٹی (NDSA) پر بھی تنقید کی کہ اس نے مرکزی وزیر کشن ریڈی کے خط پر فوراً کارروائی کی لیکن اتراکھنڈ میں حالیہ ڈیم انہدام کو نظرانداز کردیا۔ انہوں نے کہا کہ این ڈی ایس اے کی رپورٹ، جس میں تعمیراتی اور ڈیزائن کی خامیوں کو وجہ قرار دیا گیا، دراصل بی آر ایس کو بدنام کرنے کی سیاسی کوشش ہے۔
انہوں نے بی آر ایس دور حکومت میں کرپشن کے الزامات کو بھی مسترد کردیا۔
మేడిగడ్డ బ్యారేజీని బాంబులతో పేల్చారు.
కాంగ్రెస్ – బీజేపీ కలిసి కుట్ర పన్నాయి.
సిట్ విచారణ జరపాలని బిఆర్ఎస్ రాష్ట్ర ప్రధాన కార్యదర్శి @RSPraveenSwaero డిమాండ్.తెలంగాణ భవన్ లో ఆర్ఎస్ ప్రవీణ్ కుమార్ ప్రెస్ మీట్ లోని ప్రధాన అంశాలు 👇
మేడిగడ్డ బ్యారేజీ వద్ద అక్టోబర్ 21, 2023న… pic.twitter.com/NiijeooYCH
— BRS Party (@BRSparty) August 16, 2025
“گولڈن ٹوائلٹس” کی تردید
پر وین کمار نے پرگتی بھون میں “سنہری ٹوائلٹس” ہونے کی افواہوں کو مسترد کردیا۔ ان کے مطابق ڈپٹی چیف منسٹر بھٹی وکرمارکا، جو فی الحال وہیں مقیم ہیں، نے بھی اس دعوے پر ہنسی اڑائی۔
