حیدرآباد: کریم نگر ضلع کے تھِمّاپور کے قریب راجیورہداری پر ایک دل دہلا دینے والا Road Accidentپیش آیا، جس میں شادی کے صرف تین دن بعد نئی نویلی دلہن ہلاک ہو گئی۔ متوفیہ کی شناخت 22 سالہ مداسانی اکھیلا کے طور پر ہوئی، جو اپنے شوہر راجو کے ساتھ پی جی سیٹ امتحان میں شرکت کے لیے تھِمّاپور کے مضافات میں ایک کالج گئی تھیں۔
پولیس کے مطابق امتحان کے بعد دونوں موٹر سائیکل پر گھر واپس جا رہے تھے کہ ایک لاری نے پیچھے سے ٹکر مار دی۔ حادثے میں اکھیلا موقع پر ہی دم توڑ گئی جبکہ شوہر زخمی ہو گیا۔ لاش کو پوسٹ مارٹم کے لیے کریم نگر گورنمنٹ اسپتال منتقل کر دیا گیا۔
پولیس تحقیقات
پولیس نے مقدمہ درج کرتے ہوئے حادثے کی تحقیقات شروع کر دی ہیں۔ مقامی افراد نے حادثے پر افسوس کا اظہار کرتے ہوئے سڑک پر بھاری گاڑیوں کی رفتار پر کنٹرول کے لیے اقدامات کا مطالبہ کیا۔
About the Author
