حیدرآباد: Parliament Monsoon Sessionآج سے شروع ہو رہا ہے، جس میں اپوزیشن کی جانب سے نریندر مودی حکومت کو کئی حساس سیاسی امور پر سخت گھیرنے کی تیاری مکمل کر لی گئی ہے۔ یہ سیشن 21 اگست تک جاری رہے گا۔
اپوزیشن کے 24 جماعتی انڈیا بلاک نے ایک مشترکہ حکمت عملی تیار کی ہے، جس کے تحت وہ پہلگام میں ہوئے دہشت گرد حملے، آپریشن سندور، بہار میں اسپیشل انٹینسیو ریویژن (SIR) کے دوران مبینہ بے قاعدگیوں، سابق امریکی صدر ڈونلڈ ٹرمپ کی جنگ بندی سے متعلق ریمارکس، اور احمدآباد ائیرپورٹ واقعہ پر مرکز سے وضاحت طلب کریں گے۔
پہلے دن کے ایجنڈے میں صبح 10:15 بجے وزیراعظم کا رسمی خطاب، انکم ٹیکس بل پر خصوصی کمیٹی کی رپورٹ کی پیشکشی، اور اسپیکر کے چیمبر میں بزنس ایڈوائزری کمیٹی کا اجلاس شامل ہے۔
اس سیشن میں جسٹس ورما کے مواخذے (Impeachment) پر بحث کا بھی امکان ہے۔ لوک سبھا اور راجیہ سبھا دونوں ایوانوں میں حالیہ مہینوں میں انتقال کر جانے والے سات موجودہ اور سابق ارکان پارلیمنٹ کو خراج عقیدت پیش کیا جائے گا۔
مرکزی وزیر برائے پارلیمانی امور کرن رجیجو نے کہا ہے کہ حکومت ہر اس مسئلے پر جواب دے گی جو ایوان میں اٹھایا جائے گا۔
کانگریس کے رکن پارلیمنٹ گورو گوگوئی نے مطالبہ کیا کہ وزیراعظم پہلگام حملے کی خامیوں، بہار کے SIR عمل میں بے ضابطگیوں اور ٹرمپ کے بیان پر ایوان میں وضاحت پیش کریں۔
About the Author
