حیدرآباد: بی آر ایس کے ورکنگ صدر کے ٹی راما راؤ KTRنے پیر کے دن چیف منسٹر اے ریونت ریڈی کو سخت تنقید کا نشانہ بنایا۔ انہوں نے کالیشورم کرپشن کیس کو سی بی آئی کے حوالے کرنے کے فیصلے پر اعتراض اٹھاتے ہوئے کانگریس لیڈر راہل گاندھی کو ٹیگ کرتے ہوئے دوہرے معیار کا الزام عائد کیا۔
کے ٹی آر کا تیز حملہ
کے ٹی راما راؤ نے ایک ٹویٹ میں کہا کہ سی بی آئی دراصل بی جے پی کا اپوزیشن ختم کرنے والا سیل ہے۔ مگر تلنگانہ کے چیف منسٹر اب اسی سی بی آئی کو کالیشورم کیس سونپ رہے ہیں۔ مسٹر راہل گاندھی، کیا آپ کو معلوم ہے کہ آپ کے وزیر اعلیٰ کیا کر رہے ہیں؟ کتنی ہی سازشیں رچی جائیں، ہم قانونی اور سیاسی طور پر مقابلہ کریں گے۔ ہمیں عدلیہ اور عوام پر مکمل بھروسہ ہے۔ ستیمیو جیاتے۔
پرانے ٹویٹ کا حوالہ
اپنے مؤقف کو مزید مضبوط کرنے کے لیے KTRنے راہل گاندھی کا ایک پرانا ٹویٹ بھی منسلک کیا جس میں کانگریس لیڈر نے سی بی آئی، انکم ٹیکس اور ای ڈی کو مرکز کے ہتھیار قرار دیا تھا۔ کے ٹی آر نے سوال اٹھایا کہ آخر تلنگانہ کی کانگریس حکومت اب اسی ایجنسی پر انحصار کیوں کر رہی ہے؟
کے ٹی آر کی یہ پوسٹ وائرل ہوگئی ہے اور کالیشورم کیس کو سی بی آئی کے سپرد کرنے کے حکومتی فیصلے پر سیاسی طوفان میں مزید شدت آگئی ہے۔
The Currency Manager (CM) of Rahul Gandhi in Telangana has decided to handover Kaleshwaram case to CBI
The very CBI that @RahulGandhi had famously called “Opposition Elimination Cell” of the BJP
Have you any clue Mr. Gandhi on what your CM is doing?
Bring it on, whatever it… pic.twitter.com/3vBYbf5Atd
— KTR (@KTRBRS) September 1, 2025
About the Author
