حیدرآباد: مہاتما جیوتی با پھولے تلنگانہ بی سی ویلفیئر ریزیڈنشیل زرعی خواتین Degree Collegesمیں سال اول بی ایس سی (آنرز) کورس میں داخلے کے لیے آن لائن درخواستوں کا آغاز 30 جولائی سے ہو رہا ہے، جس کا اعلان سوسائٹی کے سکریٹری بڈگو سعیدلو، آئی ایف ایس، نے منگل کے روز کیا۔
داخلے کے لیے اہل امیدواروں کا ای اے پی سی ای ٹی 2025 (EAPCET-2025) میں کامیاب ہونا ضروری ہے، جو حکومت تلنگانہ کی جانب سے منعقد کیا گیا تھا۔
درخواستیں درج ذیل ویب سائٹس پر جمع کی جا سکتی ہیں:
https://mjptbcwreis.telangana.gov.in
2025–26 تعلیمی سال کے لیے داخلے صرف خواتین زرعی ڈگری کالجوں میں ہوں گے، جو ونپرتھی اور کریم نگر میں واقع ہیں۔ درخواست جمع کرانے کی آخری تاریخ 15 اگست ہے۔
نشستیں ای اے پی سی ای ٹی رینک اور ریزرویشن اصولوں کی بنیاد پر الاٹ کی جائیں گی۔ منتخب طالبات کو مفت تعلیم، ہاسٹل رہائش، اور کھانے کی سہولت فراہم کی جائے گی۔ ہاسٹل میں قیام تمام طالبات کے لیے لازم ہوگا۔
داخلے کے لیے سالانہ والدین کی آمدنی دیہی امیدواروں کے لیے زیادہ سے زیادہ ₹1.5 لاکھ اور شہری امیدواروں کے لیے ₹2 لاکھ مقرر کی گئی ہے۔
درخواست کے سلسلے میں کسی بھی سوال یا رہنمائی کے لیے امیدوار 040-23328266 پر دفتر اوقات میں رابطہ کر سکتے ہیں۔
About the Author
