Hyderabad: Excise Department ke officials ne Saroor Nagar Prohibition and Excise Station ke hudood mein do alag karwaiyon ke dauran teen afraad ko giraftar karke ganja baramad kiya. SHO N Srinivas Reddy ke mutabiq yeh raids Thursday ko ek musaddiqah ittila par kiye gaye.
Excise Enforcement Assistant Commissioner aur Assistant Excise Superintendent ki nigraani mein team ne Chaitanyapuri area mein ek mashkook shakhs ko roka jiske qabze se 340 gram sukha ganja aur ek mobile phone baramad hua.
Tehqeeq aage barhne par mulzim ne inkishaaf kiya ke Balapur mein do aur afraad ganja transfer kar rahe hain. Officials ne foran maqam par pohanch kar ek aur mashkook ko giraftar kiya jiske qabze se 11.5 gram ganja, do mobile phones aur ek motorcycle baramad ki gayi. Zabt shudah manasha aur dusri ashya ko tahweel mein le kar mazeed tahqeeqat shuru kar di gayi hai.
