حیدرآباد: تلنگانہ میں بدھ کے روز مریضوں میں اس وقت الجھن پیدا ہو گئی جب آروگیہ سری خدمات کے حوالے سے حکومت اور خانگی اسپتالوں کی جانب سے متضاد بیانات سامنے آئے۔ حکومت نے دعویٰ کیا کہ بیشتر نیٹ ورک اسپتالوں میں Aarogyasri Services معمول کے مطابق جاری ہیں، جبکہ خانگی اسپتالوں کے نمائندوں نے کہا کہ ہڑتال بدستور جاری ہے اور تمام آروگیہ سری خدمات معطل کر دی گئی ہیں۔
حکومت اور خانگی اسپتالوں کے بیانات میں تضاد
محکمہ صحت کے مطابق ریاست کے 477 نیٹ ورک اسپتالوں میں سے 415 مریضوں کا علاج کر رہے ہیں جبکہ صرف 62 اسپتال ہڑتال میں شامل ہیں۔ عہدیداروں نے بتایا کہ یومیہ اوسطاً 844 سرجریاں انجام دی جاتی رہی ہیں اور صرف بدھ کے روز 799 آپریشنز ہوئے۔ آروگیہ سری کے سی ای او اُدے کمار نے ہڑتالی اسپتالوں سے اپیل کی کہ وہ فوری طور پر خدمات بحال کریں۔
اس کے برخلاف، پرائیویٹ نیٹ ورک اسپتالس ایسوسی ایشن کے صدر ڈاکٹر راکیش نے دعویٰ کیا کہ ہڑتال مکمل طور پر جاری ہے۔ انہوں نے کہا کہ تمام خانگی اسپتالوں نے Aarogyasri Services ، ایمپلائز ہیلتھ اسکیم اور جرنلسٹس ہیلتھ اسکیم کی خدمات بند کر دی ہیں۔
سرکاری اسپتالوں میں متبادل انتظامات
دریں اثنا، محکمہ صحت نے اعلان کیا کہ سرکاری اسپتالوں میں مریضوں کو کسی قسم کی دشواری سے بچانے کے لیے خصوصی سہولتیں فراہم کی گئی ہیں۔ عہدیداروں نے یقین دہانی کرائی کہ علاج معالجہ متاثر نہیں ہوگا اور عوام کو فوری طبی امداد دستیاب رہے گی۔
About the Author
