حیدرآباد: آپریشنل ایکسیلنس کے شعبے میں [en]Hyderabad Metro[/en] کو بین الاقوامی سطح پر اعزاز حاصل ہوا ہے۔ یہ ایوارڈ حال ہی میں جرمنی کے شہر ہیمبرگ میں منعقدہ 2025 انٹرنیشنل ایسوسی ایشن آف پبلک ٹرانسپورٹ (UITP) ایوارڈز کے دوران دیا گیا۔
منیجنگ ڈائریکٹر اور سی ای او کے وی بی ریڈی کے مطابق، یہ ایوارڈ ‘Optimised Metro Operation Plans Leading to Increased Revenue for Train’ عنوان پر مبنی پراجکٹ کے لیے دیا گیا، جو روڈز اینڈ ٹرانسپورٹ اتھارٹی کے اشتراک سے تیار کیا گیا تھا۔
یہ منصوبہ دنیا بھر سے موصولہ 500 سے زائد اندراجات میں سے ‘Operational Excellence’ زمرے میں ٹاپ 5 میں شامل ہوا۔ حیدرآباد میٹرو کے منصوبے کو ڈیٹا پر مبنی آپریشنل حکمت عملی، مؤثر شہری ٹرانزٹ مینجمنٹ، اور آمدنی میں اضافہ کے لیے جدت طرازی پر خصوصی طور پر سراہا گیا۔
ریڈی نے اس کامیابی پر مسرت کا اظہار کرتے ہوئے کہا کہ یہ حیدرآباد میٹرو کو عالمی سطح پر نمایاں کرنے کا ایک قابل فخر لمحہ ہے۔
