حیدرآباد: Telangana Cabinet Todayسہ پہر 2 بجے سکریٹریٹ میں وزیر اعلیٰ ریونت ریڈی کی صدارت میں منعقد ہوگا، جس میں نائب وزیر اعلیٰ مالو بھٹی وکرمارکا، سینئر وزرا، چیف سکریٹری اور سرکاری مشیر شرکت کریں گے۔
چار دن قبل تمام پرنسپل سکریٹریز اور اسپیشل چیف سکریٹریز کو ہدایت دی گئی تھی کہ وہ اپنے محکموں سے متعلق ایجنڈا نکات جنرل ایڈمنسٹریشن ڈپارٹمنٹ کو ارسال کریں۔ اجلاس میں سب سے اہم موضوع ذات پات پر مبنی سروے رپورٹ رہے گا۔
حال ہی میں بی سی آرڈیننس کو گورنر تملی سائی سوندارراجن نے دہلی میں اٹارنی جنرل کو قانونی مشورے کے لیے بھیجا تھا، جس کی موجودہ حیثیت کابینہ کے زیرِ غور آئے گی۔
اہم ایجنڈا نکات میں شامل ہوں گے:
- گیگ ورکرس فلاحی بل کی منظوری
- ریاستی سطح پر نئی گؤشالہ پالیسی کا حتمی فیصلہ
- تلنگانہ کے گورنمنٹ جونیئر کالجوں میں نئی تقرریوں کی منظوری
- ماہی گیر کوآپریٹو سوسائٹیوں میں تقرری کا فیصلہ
- خریف فصل کی کاشت کے پیش نظر یوریا کی دستیابی و طلب کا جائزہ
کابینہ اجلاس میں اندرامّا ہاؤزنگ اسکیم کے فنڈز اور مختلف اضلاع میں تعمیری کام کی پیش رفت کا بھی تفصیلی جائزہ لیا جائے گا۔
اس کے علاوہ جسٹس پی چندر گھوش کی قیادت میں قائم کمیشن آج کالیشورم پراجیکٹ سے متعلق اپنی رپورٹ پیش کر سکتا ہے، جس کے ساتھ ریاستی برقی اداروں میں پائی جانے والی مالی بے ضابطگیوں کی آڈٹ رپورٹ بھی زیر بحث آئے گی۔
About the Author
