حیدرآباد: اتوار کی رات Ramanthapur Krishnashtamiجلوس کے دوران افسوسناک حادثہ پیش آیا جب رتھ اوپر سے گزرتی ہائی وولٹیج برقی تاروں سے ٹکرا گیا جس کے نتیجے میں پانچ افراد کرنٹ لگنے سے ہلاک اور چار دیگر زخمی ہوگئے۔
یہ واقعہ نصف شب کے قریب گوکل نگر، رامنتھاپور میں اس وقت پیش آیا جب تہوار کا جلوس جاری تھا۔ رتھ کو پہلے ایک گاڑی سے کھینچا جا رہا تھا لیکن گاڑی خراب ہو گئی، جس کے بعد کئی نوجوانوں نے اسے ہاتھوں سے آگے بڑھانے کی کوشش کی۔ اسی دوران رتھ اوپر موجود برقی تاروں سے چھو گیا اور نو افراد کرنٹ کی زد میں آگئے۔
مہلوکین میں کرشنا یادو (21)، سریش یادو (34)، سری کانت ریڈی (35)، رودرا وکاس (39) اور راجندر ریڈی (45) شامل ہیں، جو سی پی آر کی کوششوں کے باوجود موقع پر ہی دم توڑ گئے۔ زخمیوں میں سرینواس بھی شامل ہے جو مرکزی وزیر کشن ریڈی کا گن مین بتایا گیا ہے۔ تمام زخمیوں کو فوری طور پر مقامی پرائیویٹ اسپتال منتقل کیا گیا جہاں ان کا علاج جاری ہے۔
پولیس نے لاشوں کو گاندھی اسپتال منتقل کر دیا ہے تاکہ پوسٹ مارٹم کیا جا سکے۔ حکام کی جانب سے فی الحال حفاظتی غفلت پر کوئی باضابطہ بیان جاری نہیں کیا گیا۔ اس المناک حادثے نے مقامی رہائشیوں اور جلوس میں شریک افراد کو صدمے اور غم میں مبتلا کر دیا ہے۔
About the Author
