حیدرآباد: شہر میں ایک Online App Robbery Case میں پولیس نے تین افراد کو گرفتار کرلیا جنہوں نے گرائنڈر ڈیٹنگ ایپ کے ذریعے 28 سالہ شہری کو پھانس کر لوٹا۔ یہ واردات اٹاپور علاقے میں راجندر نگر پولیس حدود کے تحت پیش آئی۔
پولیس کے مطابق گرفتار شدگان کی شناخت محمد سہیل (24)، محمد مقصود علی (25) اور محمد عبد الوسیف (25) کے طور پر ہوئی ہے، جو تینوں راجندر نگر کے رہنے والے ہیں۔
واردات کی تفصیل
راجندر نگر کے اے سی پی ٹی سرینواس نے بتایا کہ متاثرہ شخص وٹے پلی کا رہائشی ہے جس نے گرائنڈر ایپ پر اکاؤنٹ بنایا تھا۔ سہیل نے اس سے رابطہ قائم کیا اور راجندر نگر آنے کو کہا۔ ایک سنسان مقام پر سہیل اپنے ساتھی مقصود اور وسـیف کے ساتھ موجود تھا۔ تینوں نے مل کر متاثرہ شخص کو 10,000 روپۓ ایک ای-والٹ میں منتقل کرنے پر مجبور کیا اور اس کا موبائل فون بھی چھین لیا۔
پولیس کی کارروائی
Online App Robbery Case کی شکایت درج ہونے پر پولیس نے فوری کارروائی کرتے ہوئے تینوں ملزمان کو گرفتار کیا اور شواہد برآمد کرلیے۔ پولیس نے مقدمہ درج کر کے مزید تفتیش شروع کردی ہے۔
About the Author
