حیدرآباد: [en]Telangana Election Commission[/en] کے سکریٹری کی حیثیت سے آئی اے ایس آفیسر ماندا مکرند کا تقرر عمل میں آیا ہے، جنہوں نے پیر کے روز مانصاحب ٹینک میں واقع کمیشن کے دفتر میں چارج سنبھال لیا۔
ماندا مکرند 2020 بیچ کے آئی اے ایس افسر ہیں اور فی الوقت سینٹر فار گڈ گورننس (CCSA) میں پروجیکٹ ڈائریکٹر کے طور پر خدمات انجام دے رہے ہیں۔ وہ الیکشن کمیشن کے سکریٹری کی حیثیت سے اضافی ذمہ داری نبھائیں گے۔
ریاست میں بلدیاتی انتخابات کے پیش نظر حکومت نے اس اہم عہدے پر ایک تجربہ کار آئی اے ایس افسر کی تعیناتی کو ترجیح دی ہے تاکہ انتخابی تیاریوں اور محکمانہ رابطہ کاری کو مؤثر طریقے سے انجام دیا جا سکے۔
حکام کے مطابق ماندا مکرند انتخابی عمل کی نگرانی، انتظامات اور ضابطہ اخلاق کے نفاذ میں کلیدی کردار ادا کریں گے، خصوصاً اس وقت جب ریاست میں مقامی اداروں کے انتخابات کی تیاریوں کا عمل تیز ہو چکا ہے۔
