حیدرآباد: انکم ٹیکس محکمہ نے منگل کی صبح حیدرآباد میں DSR Groupآف کمپنیز کے دفاتر اور عہدیداروں کی رہائش گاہوں پر دھاوے کیے۔ یہ کارروائیاں بیک وقت تقریباً 10 مقامات پر انجام دی گئیں۔
عہدیداروں کے مطابق انکم ٹیکس کی ٹیموں نے ڈی ایس آر انفراسٹرکچر پرائیویٹ لمیٹڈ اور اس سے وابستہ دیگر کمپنیوں کی تلاشی لی۔ یہ دھاوے جوبلی ہلز، بنجارہ ہلز، ایس آر نگر اور سورارم علاقوں میں کیے گئے۔ محکمے کو شبہ ہے کہ کمپنی کے ٹیکس فائلنگ میں بڑے پیمانے پر بے ضابطگیاں کی گئی ہیں۔
ذرائع کے مطابق چھاپے گزشتہ پانچ برسوں کے ٹیکس ادائیگیوں پر مرکوز رہے۔ ڈی ایس آر گروپ کے مینیجنگ ڈائریکٹر سدھاکر ریڈی، ایگزیکٹیو ڈائریکٹر پربھاکر ریڈی اور سی ای او ستیہ ناراینا ریڈی کے دفاتر اور مکانات کی بھی تلاشی لی گئی۔ اس کارروائی کے دوران سی آر پی ایف کے جوان بھی تعینات کیے گئے تاکہ سکیورٹی فراہم کی جا سکے۔ حکام نے بتایا کہ ضبط شدہ دستاویزات کی جانچ کے بعد مزید تفصیلات سامنے آئیں گی۔
