حیدرآباد: سکندرآباد کے گاندھی اسپتال میں ایک ڈکیتی کیس کے ملزم نے پولیس حراست سے Escapeہو کر حکام کو چوکس کر دیا۔ یہ واقعہ اس وقت پیش آیا جب ملزم کو چرلا پلی جیل منتقل کیا جا رہا تھا اور معمول کے طبی معائنے کے لیے اسے اسپتال لایا گیا تھا۔
پولیس کے مطابق ملزم کی شناخت سوہیل کے طور پر ہوئی ہے جسے ڈکیتی کے ایک مقدمے میں گرفتار کیا گیا تھا۔ اسپتال کے معائنے کے دوران اس نے واش روم جانے کی اجازت مانگی اور موقع ملتے ہی وینٹی لیٹر سے چھلانگ لگا کر فرار ہوگیا۔
پولیس نے فوری طور پر نیا مقدمہ درج کرتے ہوئے بڑے پیمانے پر تلاشی مہم شروع کر دی ہے۔ حکام نے بتایا کہ ڈکیتی کے علاوہ سوہیل پر کئی دیگر مجرمانہ مقدمات بھی درج ہیں۔
