حیدرآباد: Bhupalapallyضلع کے اربن ریزیڈنشیل ہاسٹل میں پانی پینے کے بعد 11 طلبہ اور ایک استاد کی طبیعت اچانک بگڑ گئی۔ ابتدائی تحقیقات میں انکشاف ہوا کہ سائنس کے استاد راجندر نے ہاسٹل کے پانی کے ٹینک میں کیڑے مار دوا ملائی تھی۔
اس واقعہ کے بعد اسکول میں خوف و ہراس کی فضا پیدا ہوگئی اور فوری طور پر متاثرہ طلبہ اور استاد کو بھوپال پلی ایریا اسپتال منتقل کیا گیا۔ ڈاکٹروں کے مطابق سبھی کی حالت اب خطرے سے باہر ہے اور ان کا علاج جاری ہے۔
تحقیقات کرنے والے عہدیداروں نے بتایا کہ استاد راجندر نے مبینہ طور پر پرنسپل سے ناراضی کے سبب پانی میں زہر ملایا۔ حکام نے تصدیق کی کہ علامات ظاہر ہونے سے قبل 11 طلبہ اور ایک عملے کے رکن نے آلودہ پانی پیا تھا۔
پرنسپل کی شکایت پر ضلع کلکٹر اور سپرنٹنڈنٹ آف پولیس نے انکوائری شروع کی۔ پولیس نے راجندر کو حراست میں لے کر پوچھ گچھ شروع کر دی۔ عہدیداروں کے مطابق یہ ایک دانستہ کارروائی تھی جس سے بچوں کی جانیں خطرے میں پڑ گئیں۔
انتظامیہ نے یقین دہانی کرائی ہے کہ تحقیقات کی بنیاد پر سخت کارروائی کی جائے گی۔ ساتھ ہی تعلیمی ہاسٹلز میں پانی کے تحفظ کو مزید سخت بنانے کے اقدامات بھی شروع کر دیے گئے ہیں تاکہ آئندہ ایسے واقعات نہ ہوں۔
About the Author
