حیدرآباد: گریٹر حیدرآباد میونسپل کارپوریشن (جی ایچ ایم سی) نے شہری سہولت کو مدنظر رکھتے ہوئے ایک نئی WhatsApp Helplineمتعارف کرائی ہے، جس کے ذریعے شہری براہ راست کچرے کے ڈھیر، تعمیری ملبے اور دیگر بلدیاتی مسائل کی شکایات کر سکتے ہیں۔
کمشنر جی ایچ ایم سی آر وی کرنان نے بتایا کہ شہری اب واٹس ایپ نمبر 81259 66586 پر مقام کی تفصیلات اور تصاویر کے ساتھ شکایات بھیج سکتے ہیں، تاکہ فوری کارروائی ممکن ہو۔
اس سے پہلے شکایات صرف “My GHMC” موبائل ایپ کے ذریعے کی جاتی تھیں۔ نئی واٹس ایپ ہیلپ لائن کا مقصد شہری شرکت کو بڑھانا اور فیلڈ سطح پر ردعمل کو تیز بنانا ہے۔
شہری درج ذیل مسائل کی شکایت اس نمبر پر کر سکتے ہیں:
تعمیری ملبے کو ہٹانے میں تاخیر
کوڑے دان کا بہاؤ یا بھر جانا
کچرے کے حساس مقامات (GVPs) پر گندگی کا جمع ہونا
جی ایچ ایم سی کا کہنا ہے کہ براہ راست اطلاعات سے فوری کارروائی میں مدد ملے گی، اور شہر کی صفائی اور نظم و نسق کو بہتر بنایا جا سکے گا۔
About the Author
